Ministri izraelit i Sigurisë jep dorëheqjen pas armëpushimit në Gaza

Hamasi ka publikuar emrat e tre pengjeve izraelitë që do të lirohen në ditën e parë të zbatimit të marrëveshjes së armëpushimit në Gaza.

Një prej tyre është një shtetase britaniko-izraelite e quajtur Emily Damari, 28 vjeç.

Dy emrat e tjerë janë Romi Gonen, 24 vjeç dhe Doron Steinbrecher, 31 vjeç.

Ndërkohë po sot, ministri izraelit i Sigurisë Kombëtare Itamar Ben-Gvir ka dhënë dorëheqjen, duke kundërshtuar marrëveshjen e armëpushimit.

Ministri i ekstremit të djathtë ka kritikuar më parë marrëveshjen si dorëzim ndaj Hamasit dhe kërcënoi se do të jepte dorëheqjen nëse miratohej.

Dy ministra të tjerë nga partia e Otzma Yehudit e Ben-Gvir kanë dhënë gjithashtu dorëheqjen lidhur me marrëveshjen.

Partia Otzma Yehudit nuk është më pjesë e koalicionit qeverisës, por ka thënë se nuk do të përpiqet të rrëzojë qeverinë e Netanyahut.