Mjekësia në zi/ Ndahet nga jeta doktori i njohur, Isuf Kalo

Mjeku i njohur Isuf Kalo ka ndërruar jetë ditën e sotme.

Lajmi është konfirmuar nga ministrja e Shëndetësisë, Ogerta Manastirliu.

Ai ka ndërruar jetë në moshën 80-vjeçare, duke humbur kështu betejën me sëmundjen e rëndë.

Kalo ka qenë mjeku personal i ish-diktatorit Enver Hoxha.

Gjithashtu, ai ka shërbyer me dekada  në shërbimin e Endokrinologjisë në QSUT.

Për disa vite, Kalo ka qenë kryetar i Endokrinologjisë dhe Sëmundjeve Metabolike në QSUT.

Mjeku mban titujt Doktor i Shkencave Mjekësore, Profesor i Mjekësisë dhe është nderuar me Çmimin Punëtor Shkencëtar i Dalluar i Shqipërisë