Nënshtetësia shqiptare/ Presidenti: Kryepeshkopi Janullatos i plotësonte të gjitha kriteret

I ftuar në emisionin “Opinion” në Tv Klan, presidenti i vendit, Ilir Meta, ka komentuar dhënien e shtetësisë shqiptare Kryepeshkopit Anastas Janullatos.

Meta shprehet i bindur për vendimin e tij bazuar në atë çka parashikon ligji. Ai pohoise Kryepeshkopi Janullatos i plotësonte të gjitha kriteret dhe e meriton nënshtetësinë shqiptare. Ai është një figurë e adhuruar jo vetëm nga besimtarët ortodoksë shqiptarë por edhe një personalitet i lartë botëror. Fortlumturia e Tij nuk është një klerik i zakonshëm.Ai është një personalitet i lartë,është filozof, është shkencëtar,është idealist dhe me një shpirt human…

“Ishte një bindje e imja e plotë institucionale. U binda nga ligji për shtetësinë. Kryepeshkopi Janullatos i plotësonte të gjitha kriteret dhe e meriton plotësisht shtetësinë shqiptare”.

Ndërsa i pyetur provokueshëm nga moderatoi Blendi Fevziu, se kriteret përfshijë dhe gjuhën dhe a e plotësonte Kryepeshkopi këtë kusht, presidenti Meta ka bërë një krahasim midis këtij të fundit dhe ish-trajnerit të Kombëtares Shqiptare, Ganni De Biase, i fundit ky që ka marrë shtetësinë shqiptare.

“Nuk është se De biasi e flet më mirë gjuhën shqipe se Fortlumturia e Tij, por e ka marrë shtetësinë shqiptare”, është përgjigjur Presidenti.