Nga ruajtja fizike te familja dhe prona, qeveria miraton mbrojtje të veçantë për punonjësit e kërcënuar të AMP-së

Këshilli i Ministrave ka miratuar një vendim për forcimin e mbrojtjes së punonjësve të Agjencisë së Mbikëqyrjes Policore (AMP), të cilët përballen me kërcënime serioze ndaj jetës, familjes apo pronës së tyre për shkak të detyrës.

Sipas vendimit të botuar në Fletoren Zyrtare, punonjësit e AMP-së që përballen me rrethana të rrezikshme, përfshirë kërcënime të drejtpërdrejta, mund të përfitojnë nga masa mbrojtjeje të veçanta.