Ngjarja tragjike në Shkodër, policia del me njoftim të ri: Vajza e mitur që u gjet që u gjet e pajetë në lumin Buna, l s’ka shenja dhune në trup

Policia ka dalë me një njoftim të ri për ngjarjen tragjike të ndodhur ditën e sotme në lumin Buna.

Ekspertët e mjekësisë ligjore nga këqyrja paraprake nuk kanë konstatuar shenja dhune në trupin e pajetë të 9-vjeçares që u gjet e mbytur në lumë.

Njoftimi i policisë:

Në lidhje me informacionin e dhënë më parë, për gjetjen në ujërat e lumit Buna, të trupit të pajetë të 9-vjeçares, ju informojmë se nga këqyrja paraprake e trupit të të miturës, në prani të ekspertit mjeko-ligjor, nuk janë konstatuar shenja dhune.

Ndërkohë kërkimet e polumbarëve vijojnë ende për gjetjen e trupit të nënës Alma Arazi dhe dy fëmijëve të saj të mitur, 4 dhe 6-vjeç.

Nga ana tjetër, babai i arrestuar për dhunë ndaj bashkëshortes dhe 3 fëmijëve, si dhe për shkaktim të vetëvrasjes së vajzës së tij 9-vjeçare, si pasojë e dhunës, nuk ka pranuar të japë asnjë detaj për këtë ngjarje.

Ai ka treguar gjakftohtësi të plotë gjatë shoqërimit në polici dhe ende s’ka dëshmuar.