Paketa AntiKÇK/ Rama i përgjigjet akuzave të opozitës: S’kanë parë gjë akoma

Kryeministri Edi Rama i është përgjigjur akuzave të opozitës se paketa AntiKÇK do të dublojë SPAK-un dhe Byronë Kombëtare të Hetimit.

Në Twitter, Rama shkruan se kjo paketë është më agresivja që një qeveri ka formuluar ndonjëherë në 30 vjet, kundër krimit të organizuar.

Sipas kryeministrit, Operacioni Forca e Ligjit as nuk pengon e as nuk anashkalon institucionet që po lindin nga Reforma në Drejtësi, po është  komplementar me to dhe se do t’i bëjë një shërbim të madh shoqërisë.

Postimi i plotë:

Pres shumë më tepër reagime idiotike ndaj paketës më agresive ligjore, që një qeveri ka formuluar ndonjëherë në këta 30 vjet, kundër krimit të organizuar dhe aleatëve të tij në sistemin e vjetër e të korruptuar të drejtësisë! S’kemi dëgjuar gjë akoma, po ama s’kanë parë gjë akoma!

Operacioni Forca e Ligjit (OFL) as nuk dublon, as nuk pengon, as nuk anashkalon institucionet që po lindin nga Reforma në Drejtësi, po është  komplementar me to dhe do t’i bëjë një shërbim të madh shoqërisë, në këtë fazë tranzitore të sistemit të drejtësisë! Kaq për momentin.