Pas Lamallarit dhe Gogut, Ibrahimaj ‘paraqet forcën’ para Ramës

Kryeministri Edi Rama po zhvillon një takim pune me ministren e Ekonomisë, Delina Ibrahimaj, në rezidencën qeveritare Vila 30.

Sipas raportimeve, ministrja Ibrahimaj është shoqëruar në këtë takim edhe nga drejtues të institucioneve në varësi të saj.

Burimet bëjnë me dije se në fokus të diskutimeve janë ecuria e punës dhe prioritetet e agjendës qeveritare për periudhën në vijim.

Ky takim vjen në vazhdën e një serie konsultimesh që kreu i qeverisë ka zhvilluar me anëtarë të kabinetit.

Një ditë më parë, Rama u takua me ministrin e Brendshëm, Besfort Lamallari, si dhe me ministrin e Drejtësisë, Toni Gogu, në kuadër të koordinimit të punës institucionale.