Pas replikave, Rama dhe Meta shtrëngojnë duart “me qetësi dhe dashuri”, çfarë nuk u pa gjatë ceremonisë së NATO-s Mar 29, 2019

Pas replikave në distancës për situatën e krijuar në vendin, sot Presidenti, Ilir Meta dhe Kryeministri Edi Rama kanë shkëmbyer një shtrëngim duarsh në gjatë aktivitetit të organizuar në Sheshin “Nënë Tereza” me rastin e 10 vjetorit të anëtarësimit të Shqipërisë në NATO.

Sipas fotografive të shkrepura nga LSA, Meta dhe Rama në këtë takim protokollar kanë shtrënguar duart për pak sekonda dhe kanë shoqëruar me “qetësi dhe dashuri” takimin e tyre.

Madje gjatë aktivitetit ata janë ulur përbri njëri-tjetrit. Në foto shihet Rama teksa shfleton axhendën e takimit, ndërkohë që Meta rehatohet në karrigen e transparente.

Disa ditë më parë, Ilir Meta ka bërë një deklaratë të fortë nga Pogradeci , teksa ka thënë se nuk do të lejojë instalimin e një junte ushtarake në Shqipëri dhe se ai ishte i gatshëm të sakrifikonte jetën si Salvadore Allende për t’i dhënë fund ngërçit.

Ndërkohë që Edi Rama po nga Sheshi Nënë Tereza i është përgjigjur Presidentit Meta, duke i thënë se nuk duhet të ketë frikë për sulme ndaj pallatit Presidencial, pasi Shqipëria është vend i NATO-s.