PD kërkon ndërprerjen e mandatit për Arta Markun, Bylykbashi: Ta vëmë Kushtetutën në shina
Në mbledhjen e përbashkët të Komisionit të Ligjeve dhe Këshillit të Legjislacionit, ku ka nisur shqyrtimi i kërkesës së PD-së për ndryshimet kushtetuese në lidhje me zgjedhjen e prokurorit të përgjithshëm, deputeti i PD-së, Oerd Bylykbashi iu rikthye edhe në seancës së dhjetorit ku mazhoranca votoi Arta Markun në krye të organit të akuzës me një mandat të përkohshëm.
Duke e konsideruar një rast të paprecedentë, Bylykbashi kërkoi që Markut t’i ndërpritet mandati.
“Jemi ne momentin me te rendesishem te vendimmarrjes e cila duhet te përmbledhë dhe pergjegjshmerine e parlamentit shqiptar. Jane propozime qe zgjidhin ngercin e krijuat. Seanca e 18 dhjetorit ka paraqitur nje nder situatat me te paprecedente lidhur me kushtetutshmërinë e shtetit shqiptar. Nje antikushtetutshmeri po con ne nje antikushtetutshmeri tjeter. Ta veme ne shina kushtetutese procesin e hetimeve penale. Te evitojmë qe ne te ardhmen e afërt jo te largët sistemi i prokurorisë te mos hyje ne një vale tërmetesh. Propozimi ynë është te kthejme Prokurorin e Pergjithshem ne shinen kushtetuese. Ti ndërpresim mandatin prokurorit te zgjidhur ne mënyrë antikushtetuese . Fillojmë nje procedure kushtetuese me veting per te gjithe kandidatët. e zgjedhim prokurorin ri me shumicen e cilesuar prej 3 /5. Sapo Këshilli i Lartë i Prokurorise te ngrihet siç duhet te zgjedhim prokurorin e përgjithshëm me mandat 7-vjecar”, tha Bylykbashi.
Ai u kundërshtua nga deputeti i PS-së, i cili tha se zgjedhja e Markut në krye të prokurorisë së përgjithshme ishte transparente.
“Prokurori i përkohshëm u zgjodh ne menyre transparente dhe kushtetuese”, tha ai.
Keni një histori? Denonco anonimisht, identiteti juaj mbrohet.
Denonco
