Përgjimet për shit-blerjen e votave nga PS, prokuroria sqaron se kush është vënë nën hetim

Dyshimet në lidhje me këtë fakt u bënë më të prekshme sepse një ditë pas publikimit të artikullit investigativ nga Zëri i Amerikës, prokuroria nisi hetimet për nxjerrje sekreti. Ndonëse nuk dolën emra apo subjekti i hetimit, u aludua se njëri ndër ta do të ishte dhe ai i gazteares që bëri artikullin. Por këtë të martë prokuroria ka sqaruar se hetimi ka nisur që në muajin nëntor të vitit të kaluar për nxjerrjen e sekretit hetimor dhe jo për gazetaren

“Informojmë opinionin publik se gazetarja Klodiana Lala nuk është person nën hetim në këtë proçedim penal dhe nuk është duke u hetuar nga ky organ proçedues. Hetimet janë duke u kryer në lidhje me veprimet dhe mosveprimet e personave të tjerë funksionarë të organeve të drejtësisë, të cilët kanë hartuar aktet e përgjimeve, kanë administruar këto akte dhe kanë patur akses në to, por dhe kushdo tjetër që në bazë të ligjit është njohur me aktet e sipërcituara dhe ka patur detyrimin ligjorë për ruajtjen e sekretit hetimor si dhe marrjen e masave të nevojshme për ndalimin e publikimit të akteve të proçedimit penal të mësipërm”, njofton Prokuroria.