Përkeqësohet zjarri në Selishtë, flakët i afrohen banesave në Dibër

Përkeqësohet

Situata nga zjarri që ka përfshirë zonën e Selishtës në Dibër është përkeqësuar, ndërsa flakët po përhapen me shpejtësi dhe po afrohen drejt banesave.

Përhapja e zjarrit ka rritur ndjeshëm rrezikun për banorët dhe pronat e tyre, ndërsa forcat në terren po përballen me vështirësi të mëdha në ndërhyrje.

Terreni i thyer dhe vështirësisht i aksesueshëm me mjete zjarrfikëse po e komplikon operacionin për shuarjen e flakëve. Pavarësisht vështirësive, ekipet zjarrfikëse vijojnë punën për izolimin e vatrave dhe frenimin e përparimit të zjarrit.

Përparësi e forcave në terren mbetet mbrojtja e zonave të banuara dhe parandalimi i mbërritjes së flakëve pranë banesave.

Ndërhyrja vijon, ndërsa situata mbetet dinamike dhe autoritetet po monitorojnë me kujdes përhapjen e zjarrit në zonën e Selishtës.