Përplasja Messi-Abidal/ Presidenti i Barcelonës mund të marrë vendimin ekstrem

Kapitenit të Barcelonës nuk i kanë pëlqyer deklaratat e sekretarit teknik në të përditshmen “Sport”.

Duke folur për largimin e Valverdes dhe zëvendësimin e tij nga Setein, Abidal tekstualisht do të shprehej:

“Shumë lojtarë nuk ishin të kënaqur, nuk punojnë shumë dhe kishte probleme me komunikimin e brendshëm. Marrëdhënia mes trajnerit dhe futbollistëve gjithmonë ka qenë e mirë, por si ish-futbollist arrij t’i kuptoj disa gjëra. I kam thënë klubit se çfarë mendoja dhe më është dashur të marr një vendim”.

Messi ka vendosur që këtyre fjalëve të ish-shokut të tij të skuadrës t’u përgjigjej me një postim në Instagram:

“Sinqerisht, nuk më pëlqen të bëj gjëra të tilla, por mendoj se të gjithë duhet të marrin përgjegjësitë që punën që u takon. Lojtarët përgjigjen për atë që ndodh në fushë dhe ne kemi qenë të parët që e kemi pranuar kur nuk kemi luajtur mirë. Kur flitet për lojtarët, duhet të japësh emra, ndryshe i lëndon të gjithë më gjërat që thua, që nuk janë të vërteta”.

Përplasja Messi-Abidal ka alarmuar kupolën drejtuese të Barcelonës.

“El Mundo Deportivo” shkruan se presidenti Bartomeu mund të marrë që sot vendimin për të shkarkuar francezin.