Përplasje në Këshillin Bashkiak të Vlorës, ndërhyn policia (Video)

Gjatë një mbledhjeje jashtë radhe të Këshillit Bashkiak të Vlorës, të zhvilluar këtë të hënë, dy të rinj kanë hyrë në mënyrë të papritur në sallën ku po mbahej takimi.

Njëri prej tyre ka ndërhyrë në mbledhje, duke hyrë në konflikt verbal me këshilltarët. Ai ka nisur të debatojë ashpër, duke përdorur gjuhë fyese dhe ofendime ndaj tyre.

Menjëherë në vendngjarje ka ndërhyrë Policia e Shtetit, e cila ka bërë të mundur largimin e të rinjve nga ambientet e Këshillit Bashkiak dhe shoqërimin e tyre në komisariat.