Përplasjet për Groenlandën, Trump ‘zbyth’ lehtësisht Gjermaninë

Prania e trupave gjermane në Grenlandë ka zgjatur vetëm pak orë, pasi Berlini ka urdhëruar tërheqjen e menjëhershme të tyre nga territori arktik. Lajmi bëhet i ditur nga media gjermane Bild, e cila raporton se 15 ushtarët u larguan në mënyrë të papritur, vetëm 44 orë pasi kishin mbërritur në ishull.

Fillimisht ishte bërë e ditur se kontingjenti gjerman do të qëndronte në Grenlandë më gjatë nga sa ishte parashikuar, por vendimi ndryshoi papritur mëngjesin e së dielës. Sipas raportimeve, urdhri i përcjellë ndaj trupave ishte i shkurtër dhe pa shpjegime: kthim i menjëhershëm. Si pasojë, të gjitha aktivitetet dhe takimet e planifikuara për atë ditë u anuluan në çast.

Ende nuk ka një sqarim zyrtar mbi arsyet e kësaj tërheqjeje të befasishme. Mediat lënë të hapur mundësinë që vendimi të lidhet me deklaratat e fundit të Donald Trump, i cili ka paralajmëruar vendosjen e tarifave ndaj disa vendeve evropiane, përfshirë edhe Gjermaninë, pas dërgimit të trupave në Grenlandë. Megjithatë, nuk përjashtohet as mundësia që pas këtij zhvillimi të fshihen arsye të tjera diplomatike ose strategjike.