Po e ndiqnin, e mitura në Tiranë plagos veten dhe godet policen

Një ngjarje shqetësuese ka ndodhur në Tiranë, ku një vajzë 16-vjeçare dyshohet se është përndjekur nga dy persona.

Burime zyrtare nga policia bëjnë me dije se janë referuar materiale shtesë në Prokurori për shtetasin J. Ll., i cili ndodhet aktualisht në Institucionin e Ekzekutimit të Vendimeve Penale (IEVP), si dhe për vetë të miturën.

Dyshohet se J. Ll., në bashkëpunim me një shtetas tjetër ende të paidentifikuar, ka përndjekur vajzën 16-vjeçare. Si pasojë e gjendjes së rënduar psikologjike që ka përjetuar, ajo është vetëdëmtuar lehtë me një mjet prerës dhe ka goditur një punonjëse policie gjatë marrjes në pyetje për rastin.

“Specialistët për Hetimin e Krimeve të Komisariatit të Policisë Nr. 5 referuan materialet shtesë në Prokurori për shtetasin J. Ll. (aktualisht në IEVP), si dhe referuan materialet në Prokurori për një 16-vjeçare, pasi dyshohet se shtetasi J. Ll. dhe një shtetas tjetër kanë përndjekur të miturën, e cila në gjendje të rënduar psikologjike, është vetëdëmtuar lehtë, me mjet prerës, si dhe ka goditur punonjësen e Policisë, kur po deklaronte për rastin. Punohet për identifikimin dhe kapjen e shtetasit tjetër që dyshohet se ka përndjekur të miturën, si dhe për sqarimin e plotë të rrethanave të rastit”, njofton policia.