“Policia, lëshoje armën në tokë”, arrestohen 2 persona në Tiranë

Policia e Tiranës finalizoi operacionin e koduar “Hunter”, për goditjen e veprimtarisë kriminale të armëmbajtjes pa leje dhe lëndëve narkotike. Operacioni u zhvillua nga Komisariati i Policisë Nr. 1, në vijim të masave për parandalimin dhe evidentimin e rasteve të tilla.

Gjatë operacionit u vunë në pranga dy shtetas që qarkullonin me automjet, duke mbajtur armë me vete. Njëri prej tyre ishte i dënuar më parë për krime kundër personit.

Shtetasit e arrestuar janë:

• I. D., 29 vjeç, banues në Tiranë, i dënuar më parë për “Plagosje e rëndë me dashje” dhe “Heqje e paligjshme e lirisë”.

• B. Xh., 22 vjeç, banues në Tiranë.

Gjatë kontrollit fizik në Mjull Bathore, Policia sekuestroi:

• 1 armë gjahu teke dhe 29 fishekë të saj (në posedim të I. D.)

• 1 armë gjahu tjetër (në posedim të B. Xh.)

Kontrolli në banesën e I. D. zbuloi dhe sekuestrimin e:

• 2 armëve të zjarrit pistoleta

• Municionit luftarak

• 1 arme të ftohtë

• Një sasie të vogël lënde të dyshuar narkotike kokainë

Njoftimi i policisë:

Finalizohet operacioni policor i koduar “Hunter”, për goditjen e veprimtarisë kriminale të armëmbajtjes pa leje dhe lëndëve narkotike.

Operacioni u zhvillua nga Komisariati i Policisë Nr. 1.

Sekuestrohen 2 armë zjarri, 2 armë gjahu, 1 armë e ftohtë, municion luftarak dhe lëndë narkotike.

Vihen në pranga 2 shtetas që qarkullonin me automjet, me armë me vete, njëri prej tyre i dënuar më parë për krime kundër personit.

Në vijim të punës për parandalimin dhe goditjen e rasteve të armëmbajtjes pa leje, si dhe bazuar në informacionet e siguruara në rrugë operative, shërbimet e Komisariatit të Policisë Nr. 1 organizuan dhe finalizuan operacionin policor të koduar “Hunter”.

Në kuadër të këtij operacioni, u kapën dhe u arrestuan shtetasit: D., 29 vjeç, banues në Tiranë, i dënuar më parë për veprat penale “Plagosja e rëndë me dashje” dhe “Heqja e paligjshme e lirisë” dhe B. Xh., 22 vjeç, banues në Tiranë.

Këta shtetas u kapën gjatë operacionit, në Mjull Bathore, Tiranë, dhe gjatë kontrollit fizik ndaj tyre, shërbimet e Policisë gjetën  dhe sekuestruan ⁠1 armë gjahu teke dhe 29 fishekë arme gjahu që i posedonte shtetasi I. D. dhe një armë tjetër gjahu që e posedonte shtetasi B. Xh.

Në vijim të operacionit, gjatë kontrollit në banesën e shtetasit I. D., Policia gjeti dhe sekuestroi në cilësinë e provës materiale, 2 armë zjarri pistoleta, municion luftarak, 1 armë të ftohtë dhe një sasi të vogël lënde të dyshuar narkotike kokainë.

Në bashkëpunim me Prokurorinë vijon puna për dokumentimin e plotë ligjor të këtij rasti.

Materialet procedurale iu referuan Prokurorisë së Tiranës, për veprime të mëtejshme.