Policia nis shoqërimet pa nisur protesta, “kapen” tre të rinj që po qëndronin para Kryeministrisë

Tre të rinj kanë qenë duke qëndruar në trotuarin përballë me Kryeministrinë, por janë shoqëruar nga dy efektivë të “Shqiponjave” pasi këtyre të fundit iu janë dukur “të dyshimtë”.

Forcat e policisë që ndodhen në ruajtje të institucioneve po ndalojnë thuajse çdo grupim me dy apo më shumë të rinj që qëndrojnë në këtë zonë.

Pasi janë shoqëruar në një zonë tjetër, të rinjve iu është kërkuar dokumenti i identifikimit, ndërsa njërit prej tyre i është vendosur gjobë për mosmbajtjen e maskës, më pas ata janë lënë të lirë.