E mërkurë, 18 nëntor 2026 DENONCO ANONIM Denonco: +355 69 20 95 843
PUBLIK PUBLIK
Policia Rrugore zhvillon aktivitet ndërgjegjësues në shkollën “Hasan Prishtina”
Lajme

Policia Rrugore zhvillon aktivitet ndërgjegjësues në shkollën “Hasan Prishtina”

Edukimi për sigurinë rrugore po shtrihet edhe në institucionet arsimore të kryeqytetit. Në kuadër të programit “Siguria e të Rinjve”, punonjësit e Policisë Rrugore kanë zhvilluar një aktivitet ndërgjegjësues me nxënësit e shkollës 9-vjeçare “Hasan Prishtina” në Tiranë.

Takimi kishte në fokus njohjen me rregullat e qarkullimit rrugor dhe rëndësinë e zbatimit të tyre, me synimin për t’i mësuar të rinjtë të identifikojnë rreziqet dhe të shmangin sjelljet që mund të çojnë në aksidente.

Në aktivitet morën pjesë efektivë të Policisë Rrugore, përfaqësues të stafit pedagogjik dhe oficerja e sigurisë së shkollës.

Gjatë bashkëbisedimit u trajtuan disa nga çështjet kryesore që lidhen me sigurinë në rrugë, duke nisur nga mënyra e lëvizjes së këmbësorëve dhe respektimi i sinjalistikës e deri te përgjegjësitë e drejtuesve të automjeteve.

Vëmendje e veçantë iu kushtua rëndësisë së vendosjes së rripit të sigurimit, rrezikut që paraqet përdorimi i telefonit gjatë drejtimit të automjetit dhe respektimit të kufijve të lejuar të shpejtësisë.

Gjithashtu, nxënësit u informuan mbi pasojat e aksidenteve rrugore dhe procedurat që ndiqen nga autoritetet në rastet e përfshirjes në ngjarje të tilla.

Aktiviteti u zhvillua në formën e një diskutimi të hapur, ku nxënësit dhe mësuesit patën mundësi të drejtonin pyetje dhe të merrnin sqarime drejtpërdrejt nga punonjësit e Policisë Rrugore.

Përmes këtij programi synohet që edukimi për sigurinë në trafik të nisë që në moshë të hershme, duke ndihmuar në krijimin e sjelljeve të përgjegjshme dhe respektimin e rregullave nga të gjithë përdoruesit e rrugës.

Policia Rrugore bën me dije se takime të tilla do të vijojnë edhe në shkolla të tjera, me qëllim forcimin e ndërgjegjësimit te brezi i ri dhe parandalimin e aksidenteve rrugore.

Tiranë/Edukimi për sigurinë rrugore nis që në bankat e shkollës!

Në kuadër të programit “Siguria e të Rinjve”, punonjësit e Policisë Rrugore kanë zhvilluar një takim ndërgjegjësues me nxënësit e shkollës 9-vjeçare “Hasan Prishtina”, me qëllim informimin dhe edukimin e tyre mbi rëndësinë e respektimit të rregullave të qarkullimit rrugor.

Në takim morën pjesë punonjësit e Policisë Rrugore, stafi pedagogjik dhe oficerja e sigurisë.

Gjatë bashkëbisedimit u diskutua mbi rregullat që duhet të zbatojë çdo përdorues i rrugës, duke u ndalur te:

-Lëvizja e sigurt e këmbësorëve dhe respektimi i semaforëve;
-Rëndësia e vendosjes së rripit të sigurimit;
-Rreziku i përdorimit të telefonit gjatë drejtimit të automjetit;
-Respektimi i kufijve të shpejtësisë;
-Aksidentet rrugore dhe veprimet procedurale në raste të tilla.

Takimi u shoqërua me bashkëbisedim të hapur, ku nxënësit dhe mësuesit drejtuan pyetje dhe morën përgjigje nga punonjësit e Policisë Rrugore.

Përmes këtyre aktiviteteve synohet që nxënësit të fitojnë njohuritë e nevojshme për të identifikuar rreziqet në rrugë, për të marrë vendime të sigurta dhe për t’u bërë promovues të respektimit të rregullave të qarkullimit rrugor.

Policia Rrugore do të vijojë takimet në institucionet arsimore, me bindjen se ndërgjegjësimi i brezit të ri është një hap i rëndësishëm drejt parandalimit të aksidenteve dhe rritjes së sigurisë për të gjithë përdoruesit e rrugës.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.