Prangoset në Itali pronari shqiptar i klubit të futbollit, i gjenden armë, detaje. Emri

Policia Italiane ka realizuar një operacion të gjërë ku ka bërë të mundur arrestimin e 22 personave të përbërë nga shqiptarë dhe italianë, si pjesë e një organizate kriminale ku veprimtari e tyre ishte prodhimi dhe trafikimi i lëndëve narkotike.

Operacion  i madh  është ndërmarrë gjatë natës nga policia italiane. Flitet për 22 të arrestuar me kërkesë të Drejtorisë së Antimafias italiane e prokurorisë së Brescias.

Veprimtaria e tyre kriminale shtrihej kryesisht në zonën e Bergamos dhe Parmas.

Mes të arrestuarve është dhe biznesmeni shqiptar në Itali Gëzim Sallaku, presidenti i klubit të futbollit Darfio, shkruan Bresciatoday.it.

Në shtëpinë e tij u gjetën tre armë zjarri pa leje përkatëse si dhe një sasi municioni. Ato mbaheshin të fshehura në një hendek në garazhin e vilës së tij.

Media italiane shkruan se në pranga kanë rënë 4 vëllezërit Sallaku pasi i janë gjetur tre pistoleta që i mbanin pa leje. Nuk është e qartë ende lidhja mes personave të arrestuar por mësohet se policia ka ndërhyrë për të shkatërruar një organizatë kriminale të përbërë nga shqiptarë dhe italianë që merrej me trafikun e drogës në disa provinca në Itali.

Gjatë operacinit të Policisë Italiane u zbulua gjithashtu edhe një laborator droge në zonën e Bergamos, raporton “Ansa”.

Ende nuk ka informacione rreth emrave apo veprimtarive të shqiptarëve të tjetrë të arrestua, por pritet që detajet më të hollësishme të bëhen publike nga autoritetet italiane.