Presidenti Bajram Begaj emëron drejtuesin e ri të Forcës Ajrore

Presidenti i Republikës, Bajram Begaj, ka firmosur këtë 30 mars dekretet për ndryshimet në drejtimin e Forcës Ajrore, duke liruar nga detyra Komandantin aktual dhe duke emëruar drejtuesin e ri.

Sipas njoftimit zyrtar, me Dekret nr. 164 është vendosur lirimi nga detyra i Gjeneral Major Ferdinant Vasil Dimo si Komandant i Forcës Ajrore, ndërsa me Dekret nr. 165 është emëruar në këtë post Gjeneral Brigade Edmond Abaz Voci.

“Presidenti i Republikës Sh.T.Z. Bajram Begaj, me Dekret nr. 164, datë 30.3.2026, dekretoi sot lirimin e Gjeneral Major Ferdinant Vasil Dimo nga detyra e Komandantit të Forcës Ajrore. Me Dekret nr. 165, datë 30.3.2026, dekretoi sot emërimin e Gjeneral Brigade Edmond Abaz Voci në detyrën e Komandantit të Forcës Ajrore”, thuhet në njoftimin zyrtar.

Ndryshimi vjen në kuadër të riorganizimit të strukturave drejtuese në Forcat e Armatosura, ndërsa drejtimi i Forcës Ajrore i besohet tashmë një drejtuesi të ri.