Prishtinë/ Presidentja Osmani : Me Ramën diskutuam proceset e ardhshme në agjendën ndërkombëtare

Presidentja e Kosovës, Vjosa Osmani, ka reaguar pas takimit të zhvilluar gjatë ditës së sotme me kryeministrin Edi Rama në Prishtinë. Në një reagim në Facebook, ajo ka bërë komente lidhur me proceset e ardhshme në agjendën ndërkombëtare, veçanërisht Samitin e NATO-s dhe Samitin e Procesit të Berlinit. Presidentja Osmani ka theksuar se forcimi i bashkëpunimit midis dy shteteve është në interesin e qytetarëve dhe të ardhmës euroatlantike të përbashkët.

Reagimi i Osmanit:

Me Kryeministrin Edi Rama diskutuam sot proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit.

Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike. 🇽🇰🇦🇱