Qëlloi për vdekje politikanin anglez 17 herë me thikë/ I riu djalë i një zyrtari somalez, jetonte në lagjen luksoze të Londrës

Vrasësi i deputetit konservator Sir David Amess planifikoi sulmin më shumë se një javë më parë, kanë thënë burimet e sigurisë për The Mail on Sunday.

Ndërsa policia vazhdoi të merrte në pyetje një 25-vjeçar britanik me prejardhje somaleze mbrëmë, burimet zbuluan se sulmuesi kishte rezervuar një takim në zonën e David Amess para se të godiste me thikë 17 herë politikanin.

Agresori u identifikua si Ali Harbi Ali, djali i një ish-këshilltari të komunikimit të kryeministrit të Somalisë. Harbi Ali Kullane, konfirmoi se djali i tij ishte në arrest policor pas goditjes me thikë dhe tha se ishte ‘traumatizuar’ nga arrestimi.

Ali mund të ketë jetuar në zonën zgjedhore të Sir David në Southend West në Essex në të kaluarën, por vendbanimi i tij më i fundit besohet të jetë në Londër, ku oficerët kanë kryer kërkime në tre adresa.

Shërbimet e sigurisë po japin ndihmë për Scotland Yard, e cila po udhëheq hetimet. Mbrëmë, detektivëve iu dha një urdhër për paraburgim të mëtejshëm, duke i lejuar ata ta mbajnë Aliun në paraburgim deri të Premten.

Oficerët e policisë ishin dje duke qëndruar roje jashtë shtëpisë së këshillit të Londrës Veriore, ku jeton Ali.

David, 69 vjeç, i cili kishte qenë deputet që nga viti 1983, takohej me publikun çdo dy javë dhe reklamonte detajet në faqen e tij parlamentare.

Pak para vrasjes së tij, një ministër i tha kësaj gazete se Qeveria kishte frikë nga një valë e sulmeve të reja terroriste pasi vendi doli nga pandemia Covid.