Qeveria italiane jep ‘OK’: Serie A do të nisë stërvitjen javën tjetër
Tashmë edhe futbolli italian do t’i rikthehet normalitetit, njësoj si ai britanik e gjerman. Teksa shifrat përsa i përket afektimit nga koronavirusi janë në rënie ditë pas dite, në Itali po mendohet për rikthimin e Seria A në fushat e gjelbërta.
Dy ministrat e Sportit dhe të Shëndetëisë, Vinçenco Spadafora dhe Roberto Speranca, kanë dalë me një deklaratë të përbashkët lidhur me këtë çështje.
“Mendimi i qeverisë lidhur me protokollin e paraqitur nga Federata Italiane, është shprehur sot nga Komiteti Teknik Shkencor dhe konfirmon linjën e sigurisë të ndjekur deri më tani nga ministritë e linjës. Kërkesat e Komitetit, që janë për t’u kosideruar shtrënguese, do t’i bëhen të ditura federatave për përditësimin e protokollit në mënyrë të tillë që të garantojmë një rifillim të sigurt të styërvitjeve në skuadër duke nisur nga 18 maji”
Keni një histori? Denonco anonimisht, identiteti juaj mbrohet.
Denonco
