Rama fton qytetarët: Kontribuoni për pastrimin e zonave të mbrojtura

Kryeministri Edi Rama i ka drejtuar një apel qytetarëve për t’iu bashkuar nismës 10 parqe në 10 ditë.

Ky apel vjen në ditën ndërkombëtareve të maleve të mbrojtura, ndërsa kryeministri thotë se gjithësecili të japë kontribut për pastrimin e zonave që mbrohen si parqe kombëtare apo natyrore.

“Mirëmëngjes dhe me ftesën për t’iu bashkuar nismës “10 parqe në 10 ditë” nga Agjencia Kombëtare e Zonave të Mbrojtura, si një kontribut i gjithësecilit për pastrimin e zonave që mbrohen si parqe kombëtare apo natyrore, e sigurisht për të shijuar dhe promovuar edhe më tej Shqipërinë tonë nga Alpet e veriut deri në Llogara, ju uroj një ditë të mbarë”, shkruan Rama në rrjetin social.