Rama i çon sërish policinë Adriatik Lapajt tek Kryeministria

Prej disa ditësh, një grup qytetarësh të mbështetur nga aktivistët e Lëvizjes “Shqipëria Bëhet”, të drejtuar nga Adriatik Lapaj, po zhvillojnë një protestë para godinës së Kryeministrisë.

Protestuesit kundërshtojnë refuzimin e Kryeministrit Edi Rama për të shkarkuar zëvendëskryeministren Belinda Balluku, e cila është marrë e pandehur në lidhje me hetimet për abuzime me tenderë publikë.

Gjatë mbrëmjes së sotme, situata u tensionua, duke çuar në një përplasje mes forcave të policisë dhe vetë Lapajt, ndërsa protestuesit kërkojnë dorëheqjen e menjëhershme të Ballukut dhe reagim institucional nga qeveria.

Kreu i “Shqipëria Bëhet”, dhe qytetarët kanë vendosur të ngrenë çadrat dhe ky ka qenë edhe moment kur ka ndërhyrë policia. Efektivët kanë tentuar t’i largojnë çadrat.