Rama i përgjigjet Metës: Çështja e detit nuk ka mbaruar, prandaj po shkojmë në gjyq

Pak orë pasi presidenti i vendit Ilir Meta reagoi mbi çështjen e detit midis Shqipërisë dhe Greqisë, kryeministri Edi Rama nuk ka vonuar të kundërpërgjigjet.

Me anë të një postimi në rrjetet sociale Rama shprehet se Meta kërkon ti hapë rrugën LSI dhe se e vërteta duket mjaft qartë. ,

Rama thekson se Shqipëria dhe Greqia nuk kanë arritur asnjë marrëveshje e prandaj do shkojnë në gjyq!



Postimi i plotë:

Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI!

Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq!

Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like!