Rama më 12 Maj në Athinë, thirrja për shqiptarët: Mezi pres të takohemi!

Kreu i qeverisë, Edi Rama do të nisë një tur në diasporë si pjesë e iniciativës për rienergjizimin e Partisë Socialiste.

Kryeministri do të ndalet në Athinë më 12 Maj, ndërsa më tej do të vizitojë edhe kryeqytete të tjera të Evropës.

Rama ka publikuar një videomesazh për emigrantët në Athinë ku shprehet se mezi pret t’i takojë.

“Mezi pres të takohemi, me krenari të madhe për të gjithë ju, shqiptarët e Greqisë”, shkruan Rama.