Reagon drejtuesi i LSI-së për largimin e Naços: Nuk kemi kohê të merremi me shoqëruesin e Klosit
“Jemi përditë në mesin e njerëzve të mrekullueshëm e të ndershëm të Qarkut të Beratit. LSI forcë e parë në Qarkun e Beratit. Nuk kemi kohë të merremi as me Blendi Klosin, e jo më me shoqëruesin e pestë të tij”, shprehet Çela duke iu referuar Naços.
Lajmin e largimit nga LSI, Naço e bëri me dije në krah të ministrit Blendi Klosi, ndërsa tha se forca politike që ai ka qenë është një eksperiment politik.
“Sot është një ditë e bekuar, jam në krah të ministrit Klosi. Unë do të doja që sot në këtë ditë të shprehja qëndrimin tim që do vazhdoj të jem në krah të majtës progresive, e cila i ka dhënë tonin Shqipërisë. Berati dhe Shqipëria nuk kanë nevojë për eksperimente, por kanë nevojë të ecin përpara.
Ajo që mund të them është që sot jam me zotin Klosi, por do vazhdoj të jem edhe në të ardhmen. Shqipëria nuk ka nevojë për njerëz që janë vasalë të dikujt tjetër. Kanë nevojë të përfaqësoj një pjesë të elektoratit dhe në qarkun e Beratit që është i pa përfaqësuar. Votat e tyre të shkojnë në koalicion me të majtën progresiste”, tha Naço.
Keni një histori? Denonco anonimisht, identiteti juaj mbrohet.
Denonco
