Shqipëria miratoi një ligj i cili injoron si rezolutën e Komisionit të Venecias në tetor 2019 lidhur me finalizimin e proceseve të pronësisë kalimtare dhe ligjin kornizë të vitit 2017 për mbrojtjen e pakicave kombëtare.
Deklarata e ministrisë përshkroi legjislacionin e fundit si “një mundësi të humbur për një zgjidhje përfundimtare dhe të drejtë të një problemi që shqetëson si qytetarët shqiptarë ashtu edhe anëtarët e pakicës etnike Greke”, dhe tha se çështja do të ndikojë në të ardhmen e fillimit të bisedimeve për aderimin e Shqipërisë në BE.
Njoftim i Ministrisë së Punëve te Jashtme të Greqisë lidhur me votimin në Parlamentin Shqiptar të Ligjit mbi pronat.
Votimi nga ana e Parlamentit Shqiptar, të ligjit mbi çështjen e pronave, përbën një shans të humbur për zgjidhjen e drejtë dhe përfundimtare të një problemi që mundon qytetarët Shqiptarë, përfshirë këtu edhe anëtarët e Minoritetit Etnik Grek.
Autoritetet Shqiptare zgjodhën për t’i dhënë ‘’zgjidhje ‘’ pa marrë parasysh vlera dhe të drejta themelore. Zbatuan në mënyrë të pjesshme Opinionin e Komisionit të Venecias të dt. 14 tetor 2019, i cili theksonte se ‘’dispozitat e projekt Ligjit janë të paqarta dhe të papajtueshme me Konventën Europiane të të Drejtave të Njeriut, zbatimi i mundshëm i tyre do të përbënte shkelje të së drejtës së pronësisë’’.
Megjithëse në momentet e fundit u bënë disa përmirësime, problemet kryesore mbetën edhe tek Ligji që u votua.
Presim nga Autoritetet Shqiptare të mbrojnë në mënyrë efektive të drejtën e pronësisë dhe të pronës, një çështje kjo, që përfshihet në bërthamën e ligjeve kryesore të së Drejtës Europiane.
Sanksionimi i kësaj të drejte do të përbejë gurin e provës, në kontekstin e marrjes së vendimeve për hartimin e kuadrit negociues dhe thirrjen e konferencës së parë ndërqeveritare për hapjen e negociatave për integrimin e Shqipërinë.
