Reme Lala nuk ishte në Kuvend kur votohej ligji që shemb Teatrin

Deputetja e qarkut të Dibrës, Reme Lala, ishte një ndër deputetët që nuk ka marrë pjesë të enjten mbrëma në Kuvend në votimin për projektligjin që i hap rrugë shembjes së Teatrit Kombëtar. Kjo sjellje duket se bie ndesh me deklaratat e pak ditëve më parë që vetë Reme Lala ka bërë kur tha se i bashkohet Partisë Socialiste.

Siç shihet edhe në listën e deputetëve që kanë votuar pro, kundër, ose nuk kanë marrë pjesë në votim, të publikuar në faqen zyrtare të parlamentit, Reme Lala rendiet mes deputetëve që nuk kanë votuar për këtë projektligj.