Rey Manaj pronar i ekipit të Lushnjes? Klubi zbulon të vërtetën

Lajmi i bujshëm që Rei Manaj do të blejë klubin e Lushnjes u përhap shumë shpejt dhe bëri që tifozët e verdhejeshilëve të “fillonin” të ëndërronin. Megjithatë, duket se ky informacion nuk është i vërtetë.

Klubi i Lushnjes ka reaguar zyrtarisht në rrjetet sociale, duke sqaruar situatën. Në postimin e tyre thuhet se, pavarësisht dashurisë që Manaj ka për klubin e vendit të tij të lindjes, lajmi se ai do ta blejë atë është i pavërtetë.

“Rei Manaj e do shumë Lushnjen, por lajmi që po qarkullon është i pavërtetë”, shkruan klubi i Kategorisë së Parë.

Tashmë mbetet të shihet në ditët dhe javët në vazhdim për të parë se çfarë do të ndodhë, teksa Lushnja vazhdon të mbetet në pronësi të Bashkisë së Lushnjes.