Robert Budina: E frikshme si i gjuajnë të miturit me gaz lotsjellës

Në një intervistë për News24, Budina u shpreh i revoltuar dhe tha se shteti është në grahmat e fundit.

“Policia u sul thjesht për të dhënë provën se është e fortë. Po tregojnë forcë dhe presion psikologjik ndaj popullsisë. Është e frikshme si i gjuajnë fëmijët 16-17 vjecarë me gaz.  Kjo tregon që janë në grahmat e fundit”, tha Budina.

Teksa e quan Ramën një pervers, Budina tha se ai urgjent duhet të largojë drejtorin e policisë Ardi Veliu.

“Thelbi këtu është që kryeministri duhet të shkarkojë urgjent drejtorin e policisë, sepse po kryen krime duke futur adoleshentët në burg. Ata i mbron dhe ligji mbi të gjitha. Nuk mund të matet një polic i veshur me armë me një fëmijë.

Duhet të dalin prindërit e këtyre fëmijëve dhe ti tregojnë vendit këtij pushteti. Duhet të dalin prindërit dhe jo adoleshentet. Ai po tallet me popullin e tij, që thotë janë ca adoleshentë të blerë nga presidenti. Vetëm, një kryeministër pervers mund ta thotë këtë”, u shpreh Budina.