“Engjëll në ekran, diktator pas mikrofonit”

Një reagim i papritur dhe me ton mjaft të ashpër ka trazuar rrjetet sociale, ku në qendër të kritikave është vendosur moderatori i njohur Ledion Liço. Ish-banori i “Big Brother VIP Albania”, Rogert Sterkaj, ka publikuar së fundmi disa postime mjaft thumbuese në llogarinë e tij, duke përdorur një gjuhë të drejtpërdrejtë dhe akuza të forta ndaj prezantuesit të ekranit.

Në postimin e tij të parë, Sterkaj e etiketon moderatorin si “engjëll në ekran” dhe “diktator pas mikrofonit”, ndërsa pretendon se marrëdhënia e tij me bashkëpunëtorët lë për të dëshiruar. “F.A.K.E. M.O.F.O. engjëll në ekran, diktator pas mikrofonit. E gjithë stafi i Top Albania Radio s’të duron dot!”, shkruan ai mbi një foto me ngjyra me akuarele e prapavijë bardhezi.

Nuk ka mjaftuar me kaq. Në një tjetër imazh mjaft provokues, ku shfaqet një skenë dramatike pranë një giloutine historike, Rogert Sterkaj ka vijuar sulmin duke goditur drejtpërdrejt figurën e Liços si drejtues publik:

“Ledion Liço, na shet pallavra filozofike. Rri aty, merr rrogën… se edhe ty të vjen dita e llogarisë nga Top Channel!!!”

Deri më tani, nuk ka pasur asnjë reagim zyrtar nga ana e moderatorit Ledion Liço apo nga stafi i Top Channel lidhur me këto deklarata të forta. Mbetet për t’u parë se si do të rrjedhin ngjarjet dhe nëse ky përplasje publike do të marrë një përgjigje në ditët në vijim.