Rruga e Arbrit dhe Milot-Balldre/ Basha denoncon: Rama dha mbi 500 milionë euro koncesion për dajë e nip!

Kreu i Partisë Demokratike, Lulzim Basha thotë se mbi 500 milionë euro shkojnë për dy persona me lidhje farefisnore për rrugën e Arbrit dhe atë Milot-Balldre.

Gjatë një interviste për Deutsche Welle, Basha tha shuma është sa 5% e Prodhimit të Brendshëm Bruto.

“Shiko çfarë ka ndodhur, janë kapur me skandalin e Unazës së Re, të cilin e ka pasqyruar Deutsche Welle, siç e ka pasqyruar edhe Zëri i Amerikës. 40 milionë euro për 2 kilometër, 30 milionë euro një kompani fantazmë. Asnjë nuk shkon para drejtësisë. Pse? Sepse drejtësia është kapur. Dhe çfarë ndodh? Kalojmë nga ky skandal në një skandal tjetër, 300 milionë euro tek rruga Milot- Balldren. Po të marrim Milot-Balldren dhe Rrugën e Arbrit do të shikojmë se dy kompanive, që i takojnë një nipi dhe një daje, po i jepet 5% e PBB-së, mbi 500 milionë euro”, theksoi ai