Një urdhër i kryetares së Bashkisë së Shkodrës, Voltana Ademi që mban datën 26 qershor, i detyron të gjithë punonjësit nën varësi që të jenë në punë gjatë ditës së shtunë dhe të diel nga ora 7 e mëngjesit deri në orën 7 të darkës.
Pjesë e urdhrit janë edhe njësitë administrative nën varësinë e Bashkisë së Shkodrës.
Në dokument nuk saktësohet motivi, por thuhet se vjen në zbatimit të Dekretit të Presidentit të Republikës “Për caktimin e datës së zgjedhjeve për organet e qeverisjes vendore”.
Urdhri vjen ndërkohë që të dielën pritet të zhvillohen votimet ku merr pjesë vetëm Partia Socialiste dhe disa parti të vogla.
Opozita i ka bojkotuar zgjedhjet.
