Sateliti i NASA-s po bie në mënyrë të pakontrolluar drejt Tokës

Erbs, sateliti i NASA i cili ishte në orbitë prej gati 40 vitesh dhe jo më funksional, po bie në mënyrë të pakontrolluar drejt Tokës dhe hyrja e tij në atmosferë pritet në natën mes 8 dhe 9 janarit.

Sipas përllogaritjeve më të fundit që disponon Departamenti Amerikan i Mbrojtjes dhe NASA, sateliti Erbs (Sateliti i Buxhetit të Rrezatimit të Tokës), që peshon pothuajse dy tonë e gjysmë, do të shkatërrohet pothuajse plotësisht kur të prekë, por disa pjesë mund të shpëtojnë, por po ashtu sipas agjencisë amerikane të hapësirës “rreziku që dikush të goditet llogaritet në 1 në 9400”.