Senati italian miraton marrëveshjen me Shqipërinë për emigrantët

Senati italian ka miratuar marrëveshjen me Shqipërinë për vendosjen e emigrantëve e vendeve të treta në dy kampet që do të ndërtohen në Lezhë.

Marrëveshja u miratua me  93 vota pro, 61 kundër dhe asnjë abstenim.

Njerëzit me nevoja të veçanta si pleqtë, fëmijët ose gratë shtatzëna, migrantët dhe refugjatët që janë shpëtuar nga anijet e drejtuara nga OJQ-të dhe njerëzit që zbarkojnë drejtpërdrejt në tokën italiane duhet të përjashtohen nga marrëveshja.

Që nga marrja e detyrës në vjeshtën e vitit 2022, qeveria Meloni ka kontaktuar vendet e treta në një përpjekje për të frenuar migrimin e parregullt nga deti drejt Italisë, i cili në vitin 2023 u rrit me rreth 50% krahasuar me një vit më parë.

Opozita italiane e ka kritikuar marrëveshjen si krijimi i një Guantanamo të re dhe gjoja shkelje e Kushtetutës italiane, akuza që qeveria i hedh poshtë.

Disa vende të tjera të BE-së kanë thënë se është një model që mund të imitohet.