Shfaqja e Mehdi Malkajt, batuta dhe ironi në skenë (Video-Live)

Përditësuar më 28 Korrik 2019, 07:15

Pak minuta pas protestës jashtë ambjenteve të Teatrit Kombëtar, ndryshe nga herët e tjera, këtë mbrëmje artistët kanë vendosur të mbajnë një shfaqe kundër shembjes së kësaj godine.

Shfaqa protestë, e cila po zhvillohet në këto momente në skenën e Teatrit Kombëtar, është një monodramë e aktorit të mirënjohur Mehdi Malkaj.

Monodrama e titulluar ‘Marr Guximin’ shënon rihapjen e Teatrit Kombëtar pas rimarrëjes së sallës së shfaqeve nga qytetarët e aktivistët e Aleancës për TK.

Shfaqja e aktorit të madh e ka ngazëllyer së tepërmi publikun, të cilët përballë batutave, notave të humorit dhe sarkazmës kanë shpërthyer në ovacione dhe duartrokitje, duke bërë që salla e mbushur plotë me spektator të shpërthejnë në brohorima “Teatri! Teatri! Teatri!”

Në videon e mëposhtëme mund të ndiqni shfaqen e mrekullueshme të aktorit Mehdi Malkaj të shoqëruar nga batutat dhe ironia:

Në një postim të bërë në Facebook, ish-deputeti demokrat Agron Shehaj shprehet se sot qytetarët e Tiranës sfiduan autokratin e çmendur qe sot ishte më i vetmuar dhe më i mjeruar se kurrë

“Sot Teatri Kombëtar ishte skena madheshtore e artit, e qytetarisë, e dashurisë, e fisnikerisë, në një shfaqe të Mehdi Malkajt.
Sot qytetarët e Tiranës sfiduan autokratin e çmendur qe sot ishte më i vetmuar dhe më i mjeruar se kurrë. As milionat që u ka vjedhur shqiptarëve, as paratë e gjithë botës nuk ja shërojnë dot mendjen e tij të sëmurë dhe shpirtin e shitur të keqes për para.
Ndajini këto foto të censuruara nga media dhe ejani tek Teatri Kombëtar çdo ditë.
Beteja vazhdon!”, ka shkruar ai.