Show dhe spektakël Conference League, plot 22 gola në 9 ndeshje

U luajtën mbrëmjen e djeshme, që prej orës 18:45, nëntë takimet e para të raundit të parë në Ligën e Konferencës, të cilat prodhuan spektakël dhe plot 22 gola në total.

Nga këto ndeshje, vetëm dy skuadra udhëtuese arritën të largohen me fitore. Kristal Palas, përfaqësuesi anglez, triumfoi me rezultatin 0-2 në transfertën ndaj Dinamo Kiev, ndërsa Mainc i Bundesligës siguroi një fitore minimale 0-1 ndaj Omonias.

Ndërkohë, barazimi i vetëm i kësaj jave u regjistrua në sfidën mes KuPS dhe Dritës, që u mbyll pa fitues.

Në gjashtë ndeshjet e tjera, festuan skuadrat vendase. Fitore regjistruan:

Jagiellonia

Lausanne

Lech Poznań

Noah

Rayo Vallecano

Zrinjski

Këto rezultate dëshmojnë avantazhin që luan fusha në këtë kompeticion, me skuadrat pritëse që dominuan në shumicën e dueleve.