Shqiptarët zbresin në fushë, sfidat e zjarrta të mbrëmjes së sotme

Sot do të zhvillohen të gjitha ndeshjet e raundit të dytë në Ligën e Europës, me disa përballje interesante dhe përfshirje të emrave shqiptarë, si në fushën e lojës, ashtu edhe në rolin e gjyqtarëve.

Një nga sfidat kryesore të mbrëmjes është ajo mes Romës dhe Lilës, dy skuadra që ndajnë vendin e parë në grup me nga 3 pikë. Një tjetër ndeshje e shumëpritur është Feyenoord vs Aston Villa, ku të dy ekipet vijnë pas paraqitjeve të forta në javën e parë.

Ndërkohë, në duelin Viktoria Plzen – Malmo, drejtësinë në fushë do ta vendosin arbitrat shqiptarë, me Enea Jorgjin në krye të ekipit të gjykimit. Ky është një tjetër vlerësim i rëndësishëm për arbitrimin shqiptar në arenën ndërkombëtare.

Pritet që në këtë raund të aktivizohen edhe disa futbollistë të Kombëtares shqiptare, si Nedim Bajrami apo Arbër Hoxha.