Shtohen tensionet, protestuesit kalojnë rrethimin te Ministria e Arsimit

Situata është tensionuar pranë Ministrisë së Arsimit, ku policia ka përdorur gaz lotsjellës ndaj protestuesve. Disa prej tyre kanë kaluar rrethimin dhe janë futur brenda perimetrit të institucionit.

Protesta është shoqëruar me thirrje të forta nga studentët dhe pjesëmarrësit, ndërsa përplasjet e tensionet janë përshkallëzuar në zonën përreth ministrisë.

Ndërkohë, efektivët e policisë u kanë bërë thirrje protestuesve të largohen dhe të lirojnë rrugën. Megjithatë, turma nuk i është bindur thirrjes dhe ka vijuar të qëndrojë në zonë.