Shtyhet seanca për Ajola Xoxën në GJKKO, SPAK paraqet prova të reja

Tiranë, 10 Mars 2025 – Seanca gjyqësore në Gjykatën e Posaçme Kundër Korrupsionit dhe Krimit të Organizuar (GJKKO) për sekuestrimin e llogarive bankare dhe celularit të Ajola Xoxës është shtyrë.

Shkak për shtyrjen janë bërë provat e reja të paraqitura nga Prokuroria e Posaçme (SPAK), të cilat kanë kërkuar kohë shtesë për shqyrtim nga trupa gjykuese.

Seanca e radhës është caktuar për të mërkurën, 12 mars, kur pritet të vlerësohet kërkesa për sekuestrimin e pasurive të saj. Ky zhvillim vjen në kuadër të hetimeve të SPAK për çështje të ndërlidhura me korrupsionin dhe pastrimin e parave.

Publik.al do të vijojë të raportojë mbi këtë çështje.