Sociologu Gëzim Tushi: Fenomenet në” Big Brother” trajtohen me agresivitet e bullizëm

Sociologu Gëzim Tushi kritikoi ditën e sotme “Big Brother”, teksa foli për impaktin e këtij formati pas debateve që janë shkaktuar nga “sëmundja” e Luiz Ejllit.

Tushi tha në emisionin e Androniki Kolkës se “Big Brother” ka mundësi që të orientojë në mënyrë utilitare disa tema që kanë të bëjnë me dashurinë për jetën, për ndjenjën e humanizmit, për solidaritetin.

Por në vend të këtyre, ai theksoi se ne shohim hipokrizinë, gënjeshtrat dhe disa fenomene komike që trajtohem me agresivitet dhe bullizëm.

“Një nga shqetësimet e mija nuk është vetëm për hipokrizinë, gënjeshtrat apo disa fenomene komike që luhen aty të cilat nganjëherë marrin njëlloj agresiviteti, bullizmi, Por në fund të fundit, kjo është shoqëria, ky është njeriu mos të bëjmë kot filozofira boshe. Por “Vëllai i Madh” ka mundësi që të orientojë në mënyrë utilitare disa tema që kanë të bëjnë me dashurinë, për jetën, për ndjenjën e humanizmit, për një lloj solidariteti. Nuk jam kundër këtyre gjërave, dhe pse duhen vënë në balancë me kohën moderne”, deklaroi socialogu.