Tensione te Kuvendi, shoqërohet Dritan Goxhajn dhe disa të tjerë

Situata para Kuvendit të Shqipërisë është përshkallëzuar, pasi protestuesit kanë bllokuar të dyja hyrjet kryesore të godinës, duke krijuar tensione të forta në zonë dhe vështirësi në lëvizjen e deputetëve dhe punonjësve të institucionit.

Gjatë zhvillimeve në terren, forcat e policisë kanë ndërhyrë duke u përplasur me protestuesit. Si pasojë e tensioneve mësohet se është shoqëruar Dritan Goxhaj, së bashku me disa persona të tjerë.

Protesta ka vijuar me prani të shtuar të qytetarëve dhe përplasje të herëpashershme verbale me forcat e rendit, ndërsa situata mbetet e tensionuar në perimetrin e Parlamentit.