Tensionet te Ministria e Arsimit, Skënder Hita zbret në terren

Protesta para Ministrisë së Arsimit vijon mes tensioneve, ndërsa situata në terren ka sjellë edhe praninë e drejtuesve të lartë të Policisë së Shtetit.

Në zonën pranë ministrisë ka mbërritur edhe drejtori i Përgjithshëm i Policisë së Shtetit, Skënder Hita, i cili është parë në krah të efektivëve të angazhuar në terren.

Ndërkohë, vijon ndërhyrja e policisë për zmbrapsjen e protestuesve, në një situatë të shoqëruar me tensione dhe përplasje.

Zhvillimet pranë Ministrisë së Arsimit vijnë në kuadër të protestës së studentëve, ndërsa mbetet për t’u parë se si do të vijojë situata në terren.