‘Tërmet’ në Champions, gola, eliminime shokuese dhe super përballje

Pas 90 minutave dramatike dhe plot emocione në përfundim të Fazës së Ligës së Champions League, janë zyrtarizuar vendimet e para që përcaktojnë rrugëtimin e skuadrave drejt fazës eliminatore.

Interi, Juventusi dhe Atalanta kanë siguruar kalimin më tej, me të tre ekipet italiane që do të kenë avantazhin e ndeshjes së kthimit në stadiumet e tyre. Në krahun tjetër, Napoli mbetet jashtë garës pas humbjes në “Diego Armando Maradona” ndaj Chelseat. Anglia përfaqësohet fuqishëm, pasi pesë skuadra angleze avancojnë drejtpërdrejt në raundin e 16-tave.

Një nga surprizat më të mëdha ishte eliminimi i Real Madridit, i cili, mbeti jashtë tetë ekipeve më të mira. Kjo ndodhi si pasojë e fitoreve vendimtare të Sportingut dhe, mbi të gjitha, Benficës së drejtuar nga José Mourinho, që u kualifikua falë diferencës së golave, pas një goli dramatik në sekondat e fundit nga portieri Trubin.

Skuadrat që do të garojnë në play-off-in eliminator do të përballen në ndeshje vajtje-ardhje, me fituesit që sigurojnë një vend në raundin e 16-tave. Nga kjo fazë e tutje, turneu do të ndjekë një short të ngjashëm me atë të tenisit, ku përballjet përcaktohen sipas renditjes.

Shorti për çiftet eliminatore do të hidhet të premten, më 30 janar, në Shtëpinë e Futbollit Evropian në Nyon dhe do të transmetohet drejtpërdrejt në Uefa.com si edhe në aplikacionin zyrtar të UEFA Champions League.

Si funksionon shorti:
Skuadrat do të ndahen sipas pozicionit në fund të fazës së ligës:

• Katër çifte të renditura (pozicionet 9–16)

• Katër çifte të pa renditura (pozicionet 17–24)

Përballjet do të formohen si më poshtë:

• 9 ose 10 kundër 23 ose 24

• 11 ose 12 kundër 21 ose 22

• 13 ose 14 kundër 19 ose 20

• 15 ose 16 kundër 17 ose 18

Skuadrat e renditura:
Real Madrid, Inter, PSG, Newcastle, Juventus, Atletico Madrid, Atalanta, Bayer Leverkusen.

Skuadrat e pa renditura:
Borussia Dortmund, Olympiacos, Club Brugge, Galatasaray, Monaco, Qarabag, Bodo/Glimt, Benfica.

Nuk ka asnjë kufizim për përballjet: ekipet mund të ndeshen edhe me skuadra nga e njëjta federatë apo me kundërshtarë që janë përballur më herët në fazën e ligës.

Kalendari i ndeshjeve eliminatore:

• Ndeshja e parë: 17–18 shkurt 2026

• Ndeshja e dytë: 24–25 shkurt 2026

Në parim, skuadrat e renditura do të luajnë ndeshjen e kthimit në shtëpi. Çdo ekip do të luajë një herë të martën dhe një herë të mërkurën, ndërsa UEFA do të konfirmojë oraret përfundimtare pas shortit.

Fazat pasuese:

• Raundi i 16-shes: 10–11 mars (vajtje), 17–18 mars (kthim)

• Çerekfinalet: 7–8 prill (vajtje), 14–15 prill (kthim)

• Gjysmëfinalet: 28–29 prill (vajtje), 5–6 maj (kthim)

• Finalja: 30 maj 2026

Finalja e Champions League 2026 do të zhvillohet në “Puskás Aréna” në Budapest, Hungari. Stadiumi ka një kapacitet prej 67,215 vendesh dhe kjo do të jetë hera e parë që një finale e Ligës së Kampionëve luhet në Hungari.