‘Tërmet’ në Policinë e Shtetit, zbulohen ndryshimet e fundit

Drejtoria e Përgjithshme e Policisë së Shtetit ka ndërmarrë një sërë ndryshimesh në drejtimet e komisariateve në disa qarqe të vendit.

Qëllimi, sipas njoftimit zyrtar, është forcimi i punës në terren dhe rritja e efikasitetit në menaxhimin e strukturave lokale të rendit.

Në listën e emërimeve dhe transferimeve spikasin disa lëvizje të rëndësishme:

• Mariglen Duçi, deri tani Shef i Komisariatit të Malësisë së Madhe, do të drejtojë Komisariatin e Policisë së Dibrës.

• Nertila Meta, e cila ka shërbyer në sektorin kundër dhunës në familje në Drejtorinë për Krimet në Volum, emërohet Shefe e Komisariatit të Librazhdit.

• Elton Halili, nga Komisariati i Librazhdit, transferohet për të drejtuar Policinë e Bulqizës.

• Edvin Peci, që ka mbajtur postin e Shefit të Komisariatit të Bulqizës, emërohet Shef i Komisariatit nr. 6 në Tiranë.

• Erdit Rrëçeku, nga Komisariati nr. 6, kalon si Shef Sektori për Krimet në Volum në DVP Elbasan.

• Klaudio Zhupa, më parë Shef Seksioni për Krimet në Volum në Kavajë, emërohet Shef i Komisariatit të Malësisë së Madhe.

• Altin Lila, ish-drejtues i Komisariatit të Dibrës, emërohet Specialist për Hetimin e Krimeve ndaj Personit në Drejtorinë për Hetimin e Krimeve të Rënda