Tragjike! 45-vjeçari gjendet i varur në kangjellat e murit rrethues

Një ngjarje e rëndë ka tronditur sot zonën e Maliqit, ku një 45-vjeçar është gjetur i pajetë në fshatin Palasë.

Sipas burimeve paraprake, trupi i viktimës u gjet i varur në kangjellat e murit rrethues të një banese. Hetimet e para sugjerojnë se ai ka tentuar të hyjë në oborrin e shtëpisë, që nuk ishte e tij, por gjatë momentit të kalimit bluza i është ngecur në kangjella, duke shkaktuar mbytjen fatale.

Dyshohet se 45-vjeçari mund të ketë qenë në gjendje të dehur në momentin e ngjarjes.

Policia ndodhet në vendngjarje dhe po punon për të zbardhur të gjitha rrethanat e kësaj vdekjeje tragjike.