Tragjike në Durrës! E zuri korenti, humb jetën 28-vjeçari

Një 28-vjeçar ka humbur jetën tragjikisht në Durrës, pasi dyshohet se u godit nga energjia elektrike teksa punonte në një varkë.

Ngjarja u regjistrua rreth orës 12:20 në lagjen nr. 1, ku i riu, me inicialet A. R. dhe me origjinë nga Filipinet, ishte duke punuar për llogari të një firme private.

Sipas të dhënave paraprake të policisë, 28-vjeçari po përdorte një pompë për largimin e ujit nga varka, kur ra në kontakt me energjinë elektrike.

Pavarësisht ndërhyrjes, kontakti me rrymën rezultoi fatal dhe i riu ndërroi jetë.

Në vendngjarje kanë mbërritur shërbimet e Policisë dhe grupi hetimor, të cilët po punojnë për të zbardhur rrethanat e plota të aksidentit dhe mënyrën se si 28-vjeçari ra në kontakt me energjinë elektrike.