U ARRESTUA PËR GRABITJEN E RINASIT, KRIMET E RËNDA JAPIN VENDIMIN PËR KASAPIN NGA KRUJA
Gjykata e Krimeve të Rënda ka dhënë ditën e sotme masën e sigurisë për një prej të arrestuarve si pjesëmarrës në grabitjen e miliona eurove në aeroportin e Rinasit.
Mësohet se Gjykata ka dhënë masën “arrest me burg” për Elton Piklin, i cili u vu në pranga tre ditë më parë.
Emri i Elton Piklit doli nga përgjimet dhe policia e vuri në pranga teksa po tentonte të arratisej drejt Bullgarisë.
32 vjeçari banonte në qytetin e Krujës, ku edhe punonte si kasap, ndërsa ishte fqinj me Dash Kupën, i arrestuar më parë për grabitjen në Qafë Kashar.
Ndërkohë Gjykata ka lënë në burg edhe 4 të arrestuarit Oltian Veseli, Alkond Bengasi, Renaldo Sula dhe Saimir Çela.
Ndaj Bengasit, Krimet e Rënda vendosën masën ‘arrest me burg’ edhe pse ai pranoi të bashkëpunojë me drejtësinë duke dhënë detaje të grabitjes dhe emra të personave të përfshirë.
Ndërsa ditën e sotme Veseli ka ankimuar vendimin, me pretendimin se Gjykata nuk ka prova dhe fakte të mjaftueshme për ta dënuar.
Keni një histori? Denonco anonimisht, identiteti juaj mbrohet.
Denonco
